Plantun de Prouvènço

Pèr coumpara dos planto d'encò nostre

Helianthemum apenninum & Carex pseudocyperus

Helianthemum apenninum

Cistaceae

Noms en français : Hélianthème des Apennins, Hélianthème blanc.

Descripcioun :
Aquesto massugueto que trachis dins la garrigo fai de poulìdi flour blanco à la primo. Li fueio, cendrouso, soun cuberto de péu estela. La massugueto-di-sepalo-vióuleto ié sèmblo proun, mai èi pu pichoto dins tóuti si partido. La massugueto-blanco a de petalo > 10 mm e de sepalo > 6,5 mm (à la flouresoun) e lis estipulo fan de 7 à 10 mm. Coumpara emé la massugueto-di-sepalo-vióuleto que ié sèmblo proun.

Usanço :
Li massugueto èron acampado en Espagno pèr la farmacìo tradiciounalo e soun couneigudo pèr lucha contro li microbe (poulifenol).

Port : Pichoto planto lignouso
Taio : 5 à 40 cm
Fueio : alterno
Tipe bioulougico : Camefite
Cicle bioulougico : Planto renadivo

Gènre : Helianthemum
Famiho : Cistaceae

Ordre : Malvales

Coulour de la flour : Blanco
Petalo : 5
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : 0 à 1800 m
Aparado : Noun

Liò : Garrigo - Tepiero seco
Estànci : Termoumediterran à Mountagnard
Couroulougi : Pancaro entresigna
Ref. sc. : Helianthemum apenninum (L.) Mill., 1768

Queirello(-faus-triangle)

Carex pseudocyperus

Cyperaceae

Àutri noum : Moutouso, Sagneto.

Nom en français : Laiche faux souchet.

Descripcioun :
Aquesto grando queirello trachis en mato de la grosso, en ribo d'estang o de ribiero, prado à rousèu e palunaio. Fai uno espigo masclo e de 3 à 5 espigo femello, pourtado pèr un pecou e que penjon. Se recounèis à sis escaume d'utriculo barbudo e subretout i bè d'aquésti d'aqui long e bifido (fotò). S'arrapon i vèsti un cop maduro. Se recounèis peréu à si lòngui fueio (6 à 12 mm de larjo) qu'an coume un rego au mitan.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 30 à 100 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Carex
Famiho : Cyperaceae

Ordre : Poales

Coulour de la flour : Brunello
Petalo : ges
Ø (o loungour) enflourejado : 5 à 8 cm
Flourido : Printèms - Estiéu

Sòu : Ca
Autour basso e auto : 0 à 700 m
Aparado : Noun
Mai à juliet

Liò : Ribiero - Prado à rousèu - Estang - Palun
Estànci : Mesoumediterran à Mountagnard
Couroulougi : Subrecousmoupoulito
Ref. sc. : Carex pseudocyperus L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Helianthemum apenninum & Carex pseudocyperus

ges

Coumpara Massugueto(-blanco) emé uno autro planto

Coumpara Queirello(-faus-triangle) emé uno autro planto